Saturday, February 4, 2017

මට කලින් මියදෙන්න

පුදුමයකි තවම නුඹ
ඉන්නෙ කොහොමැයි ඔහොම
නොදැනෙනා සේ හැඟුම
පෙර එදා නිරතුරැව
තුරැල් වී මගෙ
පපු ගැබේ මැද්දටම
හැර නොයන බව
වෙන් නොවන බව
මගෙන් කිසි දින
කියු නුඹමදැයි අද..
මා නොමැති ලොව නුඹට
හිඳිනු බැ‌රියැයි තනිව
මට කලින් මියදෙන්න
පැතූ මගෙ තුරුලෙ හිඳ
මේ නුඹමදැයි අද
හැර ගිහින් නොඑන්නට
නිමා කර අපෙ ගමන
නුඹ කියු හැමදේම
කෙරූ ඒ ආදරය
බොරුවක්ම බැව් ලියා
හදවතේ මගෙ කොනක

No comments:

Post a Comment

හිතුනු දේ කුරුටුගාලා යන්න.... ඒ නැතත් කඩයිමට ගොඩ වුනාට ස්තුතියි....