Friday, April 21, 2017

අරගෙන සදහටම..

නොදැනීම අහම්බෙන්
ඇවිත් රැගෙන ආදරය
කාලයක් පුරාවට
එකතුකර මතක පොත..
අවසනදි ගියා නුඹ
රැගෙන ආ ආදරය
අරගෙන සදහටම..
ඉතිරි කර පිටු ගොඩක්
පෙරලන්නට අපහසු..
තිබුනෙ නුඹට
යන්නට කලියෙන්ම..
නොලියා තවත් පිටු
මතක පොත පිරෙන්නට..

Monday, April 17, 2017

එකම දවසක්වත්

දවස් එකින් එක 
හරි ඉක්මනටම ඔහේ 
ගෙවෙන අපූරුව 
පුදුමයි තාමත් මට 
නුඹ මතකෙට නොඑන 
එකම දවසක්වත් 
හොයාගන්න නැතිහැටි 
ඒ තරමටම 
හිත ලියැවිලා නුඹෙ නමටම 
නොදන්නවට නුඹ 
මේ ගෙවෙන්නෙ 
අපි අපේ නොවුන 
පළමු අවුරුද්ද බව
ගෙවුනු සත් වසකට පසුව... 
--------------------------
ඉස්සර හැන්දෑවට 
අපේ පොඩි පාරේ 
ආදරෙන් තුරුල් වෙලා 
කියූ ඒ පෙම් කතා 
ලොවට හොරෙන් 
අපි තනිවුනු හැටි 
ඉරට පේන්න හිනාවෙන 
හඳ එක්ක හඬන 
මගෙ මුරණ්ඩු හිත 
තාමත් ඉස්සර වගේම 
තනිකම මකන්න 
නුඹවමයි හොයන්නෙ..

Saturday, April 15, 2017

ධනුවාගේ මිනි #13

සිදාදියෙ එහා කොන
නිතර මුණගැහුණු ඒ
අපෙ පාළු පටුමගේ
ගෙවු ඒ සොඳුරු දින
තවම හරි ලස්සනයි..
ඒ හෙලූ පෙම් සුසුම්
අදත් යලි හමුවෙලා
මේ විසල් අහස යට
මුමුණනවා ඇති එදා
දෙඩූ පෙම් රස වදන්..

Friday, April 14, 2017

හැමෝටම සුභ අලුත් ...

කියන්න නම් ලොකු දේවල් නෑ.. අලුත් කාලයක් අලුත් ජීවිතයක්.. ඉස්සර වගේ අවුරුදු දැනෙන්නේ නෑ.. ලෝකේ වෙනස් වෙලා.. ඒ කොහොම උනත් .. හැමෝටම සුභ අලුත් අවුරුද්දක් කරගන්න පුළුවන් වෙන්න මහන්සි වෙලා...

Thursday, April 13, 2017

කියනවා නුඹෙ සුවඳ මට

වැහි බින්දු එකින් එක
සිප ගනී මහ පොළොව
දෙමින් ඒ පොරොන්දුව
මා නුඹේ සදහටම
දැනෙනවා නුඹෙ සුවඳ
එදා මහ වැස්සකදි
හමුවුණු හැටි මා නුඹ
හද කිති කවන සීතලට
පුංචි මුවැත්තියක මෙන්
තුරුලු වුණු හැටි ළඟට
අඩ අඳුරෙ මා නුඹ
තනිවුණු හැටි හෙමින්
කියනවා නුඹෙ සුවඳ මට
අදත් කොනිත්තලා හිත
අපි අපේ නොවන බව

Wednesday, April 5, 2017

පැමිණි ගිම්හානයට

අමතකව දමාගිය 
වසන්තය යලි එන තෙක් 
බලා සිටි කාලයට 
නොතබාම තිතක් 
තබමි කොමාවක් 
පැමිණි ගිම්හානයට 
පෙම් බඳිනු කැමතිව..

දන්නවද? හීනයක් ඒක
පාට තවරපු හිත පුරාම..
දින ගණන් පැය ගානට
පැයගණන් තත්පර ගානට
ගෙවෙනවා දැනුනෙවත් නැති
කඩන් වැටුණු 
හීන මාලිගාවක 
අයිනෙ බිත්තියකට
හේත්තු වෙලා මැවුණු
ආදරණීයම හීනයක් ඒක..

Monday, April 3, 2017

ධනුවාගේ මිනි #12 - මම

ගිම්හාන හිරු එළිය
ගත දවන නිරතුරුව
කවදාද පැමිණෙන්නෙ
වස්සාන වැහි සොඳුර
නිවන්නට විඩා හද
වේදනා විඳිමි මම;
මමයි මේ මහ පොළොව
විඳින විඳවන නිතර..

Saturday, April 1, 2017

තුරුලතා කීවා මට

අවසාන දිනය
අද කියා දැන දැනම
මම නුඹ බලන්න
අඩි තියපු හැටි
මතකයි අද වගේ
තියපු අඩියක් ගානෙම..
ගුලිකර මතක පොත
එකම එක පිටුවකට
මතක නැති වෙන්න බෑ
දුන්නු ඒ හද හසුන
එකම එක වතාවක්
උඩින් පල්ලෙන්
දෑස් වල අතගා
වීසි කර දැමූ බව
විහාරමහාදේවියේ
තුරුලතා කීවා මට
පසුව සත් මසකට
නිවන අතරමග
ගත දවන හිරු එළිය..

ධනුවාගේ මිනි #11

හිමිදිරි අඳුරක
තනිවුනු හදකට,
සීතල හීනෙක...
දැවටීවත්..
මතකය විසිරුණු
නිල්වන් අහසක,
තරුවල එළියට ...
සඳ අමතක වෙනවා නම්...

Thursday, March 30, 2017

පිංතාරුව

ආදරය අකුරු හතරක්
විතරක්ම උනු කාලෙක
ඔය හිනාවට
කතාකරන ඇස් වලට
මං ආස කලේ
මගේම කරගන්න
සදහටම ..
ගෙවුන දවසක් ගානෙම
ආදරය හිතපුරාම
පිංතාරු කලේ 
අපි අපේ නිසාවෙන්..
දන්නවද? හීනයක් ඒක
පාට තවරපු හිත පුරාම..