පිය නගමු දුරුත්තට ..

365 දිනකට

ජීවිතය අලුත් වන

තවත් දවසක්

එන්න වගේලු

හැබැයි හැමදාම වගේ

කරගත්තු, ලැබුණු

දෙයක් නැතිකොට

ඔය පරණ සිද්දිය

අලුතක් නොවේ මට

නොකර මග හැරුණු

වැඩ එකින් එක

අහුලමින් මම

පිය නගමි දුරුත්තට ..

31න් 1 ලබන

තවත් දවසකි මෙය

අමුතු පාටක් එහි

නැත මවන්නට

එකින්  එක හිත රැඳුනු

බලාපොරොත්තු

පොදි බැඳන් මම

පුරුදු කම්මැලි

සෙමින් ගමනෙම

පිය නගමි දුරුත්තට ..

කරන වාගේම

කරන්නට යන

සියලු දේවල්

සිතන විදියට

සිතන අයුරින්

ඉටුවන්න පතමින්ම

පිය නගමු දුරුත්තට ..