Blogger Tricks Blogger Tricks

Friday, June 26, 2015

හසලක ගාමිණිලා රට වෙනුවෙන් කරපු


ලෝක ගෝලේ රවුමට පේනවද  
ලොකු ලොකු රටවලුත් හරියට පේනවද
නොපෙනෙන තිත් වගේ ඒවත් තියනවද
ලංකාවත් තිතක් ඒකත් පේනවද

රටේ නායකයෝ මරණෙට බිලිවෙච්ච
මිනිස්සු පොදි ගණන් මරණෙට යට වෙච්ච
වාහන තැනිත් තැන ගිනි ඇවිලිච්ච
රටක් තිබුණාය තිතකට නම් වෙච්ච

පිට රටකින් කෙනෙක් එන්නේ නැත මෙහෙට
ඉන්න උනුත් ඉන්නේ පණ ගැහි ගැහි හොඳට
බසයක යන්නේ බල බල වටපිට හොඳට
කන් දීගෙන හොඳින් එන පුපුරන හඬට

හමුදාවල කොල්ලෝ  සත්තුන් වගේ මරුන
නායකයොත් ඒවා වෙනකන් උන්න
පාවල දෙන්න ගිවිසුම් එහෙමත් ගැහුන
කාලයකුත් තිබුනා ඒ රටටම ඔන්න

කලකට පසුව නව මුහුණක් එක් වෙච්චි
රට කරවන විදිය හොඳ හැටි දැන ගච්චි
සැලසුම් එක්ක දිගු ගමනක් ඇති වෙච්චි
නැවතත් ප්‍රති පහරකට සියල්ල හැර වෙච්චි  


හමුදාවේ කොල්ලෝ තව කඩිසර වෙන්න
පිට පිට පිටරටින් එන ඊතල වට්ටන්න
බය හැක නැතුව රට ගැන කට උස්සන්න
කොන්දක් ඇති එකෙක් රට කරවයි ඔන්න

රට  හැමතැනම මුර පොළවල් ඉදි වෙන්න
ආරක්ෂාව තර කර මුළු බල වෙන්න
රටේ ජනතාවගේ බිය සක දුරු වෙන්න
හමුදාවේ කොල්ලන්ට පින් සිදු වෙන්න

නාවික හමුදාව වතුරෙන් වැඩ පෙන්නු
ගුවන් හමුදාව ගුවනේ රඟ පෙන්නු
පාබල හමුදාව වැඩි බරකට දුන්නු
සටනක ඇරඹුමට රටක්ම දිවි දුන්නු

උතුරයි නැගෙනහිර බේරාගන්න
මේ පැතිවල අයගේ දිවි බේරන්න
මරාගෙන මැරෙන උන් අල්ලාගන්න
විශේෂ පුහුණු ඇති සෙබළුන් බිහිවෙන්න

කොමාන්ඩෝ සෙබළු දිවි පුද කරපු
සටනේදී නොයෙක් දුක් කරදර විඳපු
අතපය නැතුව සිය නිවසට යවපු
සෙබළුන් අදත් සිටිනවා මේ රට දිනපු

හසලක ගාමිණිලා රට වෙනුවෙන් කරපු
සේවය බබලවන හමුදාවක් හදපු
හමුදා නායකයෝ මහ දිගු දුර දැකපු
සටනේ අවසනට මග පෙන්වා දීපු



වතුර පොදත් නැති කෙරුවේ LTTE උන්ය
පොඩි දරුවන් ගැහැණු සටනට දැම්මෙත් උන්ය  
අවසන මාවිල්ආරුවත් ජය ලැබුවේ අපිය
වතුර පොදත් ඇති කෙරුවේ අපෙ උන්ය

පරන්තන් වලට දැන්  මහ යුද ඇවිලිච්චි
මිනීමරු කොටින් පොදි ගණනින් වැනසෙච්චි
හමුදාවේ කොල්ලෝ තව තව බල වෙච්චි
යුද දිනුමකට පොඩි පැතුමක් ඇති වෙච්චි

මානුෂීය මෙහෙයුම තව බල ගැන්වී
ඉදිරියටම යද්දී තව තව සවිමත්වී
සමහර උන්ට හරි හරියට දුක ඇතිවී
හමුදාවේ උන්ව ගොන්නුන් ගානට දාවී

කිලිනොච්චිය කියා මැදවච්චියේ යන්න
තොප්පිගල කැලේ බල තහවුරු කරගන්න
රට පාවාදුන්නු අවජාතක උන්ව දිනවන්න
උඩ පැන පැන නටපු එවුනුත් අද මෙන්න

සාම ගිවිසුමෙන් රට කොටියට දීලා
අපේ කොල්ලෝ බලු වෙනවා බලලා
සතුටින් හිටිය ඒ ගොන් හොරිකඩලා
අදත් කරන්නේ ඒකම නොපිරිහෙලා



කොටින්ට කඩේ ගිය ඒ ගොන් හොරිකඩලා
විරු සැමරුමත් රට දිනුමත් සියල්ල නැති කරලා   
රටේ ජනතාවගේ ඇස් වලටත් වැලි ගහලා
යුද පරීක්ෂණ කරන්න සැලසුම් ගහලා

සටනේ වැඩි බරට කරදුන් විශේෂ බලකායන්
නීරෝ වගේ රට වෙනුවෙන් දිවිදුන් උන්
රටටම සම්පතක් ඒ කල මහ දස්කන්
ආඩම්බරයි උඹලා ගැන හැම මොහොතින්



8 comments:

  1. අපූරුයි මචෝ
    සෑහෙන දවසකින් ලියල තියෙන්නෙ පස්ට යන්නම
    ජයවේවා

    ReplyDelete
    Replies
    1. ඔව් ගොඩක් කාලෙකට පස්සේ ලිව්වේ මහේෂ් :D වැඩ වැඩියි දැන්

      Delete
  2. නියමයි

    ReplyDelete
    Replies
    1. ස්තුතියි සැඟවුණු අමුත්තා

      Delete
  3. එල ද බ්‍රා...
    හිතට දැනෙනවා

    ReplyDelete
  4. නියමයි මචං දැනෙනවා... ජය!!

    ReplyDelete

හිතුනු දේ කුරුටුගාලා යන්න.... ඒ නැතත් කඩයිමට ගොඩ වුනාට ස්තුතියි....